تلنگانہ

تلنگانہ میں اساتذہ کے تبادلوں اور ترقیوں کو منظوری

سنکرانتی کے تحفہ کے طورپر حکومت تلنگانہ نے سرکاری اور ادارہ جات مقامی کے اسکولوں میں کام کرنے والے اساتذہ کے ترقیوں اور تبادلوں اور ترقیوں کی منظوری دی ہے۔

حیدرآباد: سنکرانتی کے تحفہ کے طورپر حکومت تلنگانہ نے سرکاری اور ادارہ جات مقامی کے اسکولوں میں کام کرنے والے اساتذہ کے ترقیوں اور تبادلوں اور ترقیوں کی منظوری دی ہے۔

متعلقہ خبریں
تلنگانہ میں 7 آئی اے ایس آفیسرس کو ترقی
میگاڈی ایس سی منعقد کرنے حکومت کا منصوبہ، 9800 اساتذہ مخلوعہ کی جائیدادوں پر تقررات کا امکان
ایل ایف ایل ہیڈماسٹر کے لئے تمام میڈیم کے اساتذہ کو موقع دینے کا مطالبہ

ریاستی وزیر فینانس ٹی ہریش راؤ اور محکمہ اسکولی تعلیمات کے عہدیداروں کی ٹیچرس یونیوں کے قائدین کے ساتھ بات چیت کے بعد ریاستی وزیر تعلیم سبیتا اندراریڈی نے حکومت کے فیصلہ کا اعلان کرتے ہوئے کہاکہ چیف منسٹر کے چندرشیکھرراؤ نے اساتذہ کو سنکرانتی کی مبارکباد اور ترقیوں اور تبادلوں کی خوش خبری دی ہے۔

اُنہوں نے بتایاکہ اساتذہ کی ترقیوں اور تبادلوں کا شیڈول دو، تین دنوں کے اندر جاری کیاجائے گا۔ انہوں نے کہاکہ ابتداء میں ہیڈ ماسٹروں کے تبادلے کئے جائیں گے اس کے بعد 9226 جائیدادوں پر اساتذہ کو ترقی دی جائے گی۔ کستوربا گاندھی بالیکا ودیالاؤں اور ماڈل اسکولوں میں برسرخدمت اساتذہ کے بھی تبادلے کئے جائیں گے۔

ترقیوں اور تبادلوں کا پورا عمل شفاف رہے گا۔ سابق کی طرح اس بار بھی ویب، بیسڈ کونسلنگ سسٹم کے ذریعہ پورا عمل شفافیت کے ساتھ انجام دیاجائے گا۔

سبیتا اندراریڈی نے مزید کہاکہ ترقیوں اور تبادلوں کے عمل کا اطلاق 23 اپریل سے ہوگا جس کا مقصد رواں تعلیمی سال بالخصوص ایس ایس سی طلبہ کی تعلیم میں خلل نہ ہونے پائے۔ انہوں نے اساتذہ برادری سے اپیل کی کہ وہ اس ضمن میں حکومت سے تعاون کریں۔

a3w
a3w