قومی ترانہ کا پروگرام‘ میٹرو ٹرینوں کوایک منٹ روکدیاجائے گا

حیدرآباد: حکومت تلنگانہ کی جانب سے منائی جارہی ملک کی آزادی کی ڈائمنڈ جوبلی تقاریب کے موقع پر ٹرافک کوعارضی طور پر روکنے اور بڑے پیمانے پر اجتماعی قومی ترانہ گانے کے پروگرام کے حصہ کے طورپر حیدرآبادمیٹرو ٹرینوں کوکل منگل 16 اگست کو 11:30 بجے دن ایک منٹ کیلئے روکدیاجائے گا اور تمام میٹروٹرینوں اور اسٹیشنوں میں قومی ترانہ گایا جائے گا۔

مسافرین سے خواہش کی گئی ہے کہ قومی ترانہ بجتے ہی فوری کھڑے ہوجائیں اور اجتماعی قومی ترانہ گانے میں شریک رہیں۔