سڑک حادثہ میں آندھراپردیش کے ایم ایل سی شیخ صاب جی جاں بحق

چیرو کوواڑہ۔(اے پی): آندھرا پردیش قانون ساز کونسل کے رکن شیخ صاب جی، جمعہ کے روز ضلع مغربی گوداوری کے چیرو کوواڑہ گاؤں میں سڑک حادثہ میں جاں بحق ہوگئے۔57 سالہ صاب جی، ایلورو سے بذریعہ اوپن ٹاپ گاڑی سے بھیما ورم آرہے تھے کہ مخالف سمت سے آنے والی اسی طرح کی گاڑی سے ان کی گاڑی ٹکراگئی۔

 یہ حادثہ آج12:30بجے شب کے قریب پیش آیا۔ مخالف سمت سے آنے والی یہ کار، پلٹ گئی۔ صاحب جی، برسر موقع ہلاک ہوگئے۔ ضلع ایس پی مغربی گوداوری پوروی پرکاش نے پی ٹی آئی کو یہ بات بتائی۔

 انہوں نے بتایا کہ یہ حادثہ اندی پولیس اسٹیشن کے حدود میں پیش آیا، ٹیچر ملازم شیخ صاب جی، حلقہ کونسل مغربی ومشرقی گوداوری کے ٹیچر کوٹہ کے تحت بطور آزاد امیدوار ایم ایل سی منتخب ہوئے تھے اور ان کی میعاد2027 تک تھی۔