مشرق وسطیٰ

عیدالفطر کے موقع پر متحدہ عرب امارات کے صدر کی افراد خاندان کے ساتھ تصویر

شیخ محمد بن زاید النہیان تصویر کے ساتھ ایک تحریری پیغام بھی لکھا کہ عید پر گھر والوں کے ساتھ بیٹھ کر ایک خاص خوشی ہوتی ہے۔

ابوظہبی: متحدہ عرب امارات کے صدر شیخ محمد بن زاید النہیان نے عید الفطر کے پُرمسرت لمحات اپنے افراد خاندان کے ہمراہ گزارے اور ایک گروپ تصویر بھی شیئر کی۔

متعلقہ خبریں
شیخ حسینہ کے خلاف کیسس کی تعداد 155 ہوگئی

عرب میڈیا کے مطابق متحدہ عرب امارات کے صدر شیخ محمد بن زاید آل نہیان نے عید الفطر کی مبارک باد دیتے ہوئے سوشل میڈیا پلیٹ فارم انسٹاگرام پر فیملی کے ہمراہ تصویر شیئر کی۔

شیخ محمد بن زاید النہیان تصویر کے ساتھ ایک تحریری پیغام بھی لکھا کہ عید پر گھر والوں کے ساتھ بیٹھ کر ایک خاص خوشی ہوتی ہے۔ میں اللہ تعالیٰ سے دعا کرتا ہوں کہ وہ آپ کی حفاظت فرمائے اور آپ کے تمام ایام خوشیوں اور مسرتوں سے بھرپور بنائے۔

اماراتی صدر نے مزید لکھا کہ عید کا یہ مسرت دن اللہ کی ایک نعمت اورخوشیاں منانے اور اس سے لطف اندوز ہونے کا بہترین موقع ہے۔ فیملی، دوستوں اور اپنے پیاروں کے ساتھ قیمتی وقت گزارنے والوں کے لیے نیک تمناؤں کا اظہار کرتا ہوں۔

واضح رہے کہ 10 اپریل بروز چہارشنبہ کو سعودی عرب و دیگر خلیجی ممالک سمیت کے دنیا کے اکثر ممالک میں عید الفطر مذہبی جوش و خروش کے ساتھ منائی گئی۔