اے پی: کار سے پولیس نے ایک کروڑ دس لاکھ روپئے کی رقم ضبط کی

حیدرآباد: آندھراپردیش کے ضلع چتورمیں ایک کار سے پولیس نے ایک کروڑ دس لاکھ روپئے کی رقم ضبط کی۔

ضلع کے کارویٹی نگرمنڈل میں کل شب گاڑیوں کی تلاشی کے دوران یہ رقم کار میں پائی گئی۔ یہ کارآرکے وی بی پیٹ سے پوتور کی سمت جارہی تھی۔

پولیس نے اس کار میں سفر کرنے والوں سے اس رقم کے دستاویزات طلب کئے تاہم وہ دستاویزات دکھانے میں ناکام رہے جس پر پولیس نے اس رقم کو ضبط کرلیا۔

پولیس ان افراد سے پوچھ گچھ کررہی ہے تاکہ یہ پتہ چل سکے کہ یہ رقم کس کی ہے اور کس کی ایماپر منتقل کی جارہی تھی۔