کھیل

ایشیا کپ تنازعہ کے درمیان بابر اعظم کی توجہ ورلڈ کپ پر

بابر اعظم نے کہاکہ کہا کہ ہماری توجہ ہندستان میں ہونے والے ورلڈ کپ پر ہے اور ہم وہاں اچھی کارکردگی دکھانے کی کوشش کریں گے۔ جے شاہ نے اکتوبر 2022 میں کہا تھا کہ ہندوستان ایشیا کپ کھیلنے کے لیے پاکستان نہیں جائے گا اور ٹورنامنٹ کسی اور ملک میں ہو گا۔

کراچی: پاکستان کے کپتان بابر اعظم نے ایشیا کپ 2023 سے متعلق تنازعات کے درمیان کہا کہ ان کی مکمل توجہ اکتوبر نومبر میں ہندوستان میں ہونے والے ون ڈے ورلڈ کپ پر ہے۔ بابر نے جیو نیوز سے بات چیت کے دوران کہا کہ ہماری توجہ ہندستان میں ہونے والے ورلڈ کپ پر ہے اور ہم وہاں اچھی کارکردگی دکھانے کی کوشش کریں گے۔

متعلقہ خبریں
ایکشن میں تبدیلی سے گیندبازی میں بہتری : کلدیپ یادو
بابر کے چیک پر انعامی رقم مختلف درج، تصویر پر دلچسپ تبصرے
میاچ کے دوران سگریٹ پینے پر خالد محمود پر تنقید
افغانستان کے خلاف شکست تکلیف دہ: بٹلر
ایشیا کپ : ہندوستان اور پاکستان میں پوائنٹس تقسیم

خیال ر ہے کہ بورڈ آف کنٹرول فار کرکٹ ان انڈیا (بی سی سی آئی) کے سکریٹری اور ایشین کرکٹ کونسل (اے سی سی) کے صدر جے شاہ نے اکتوبر 2022 میں کہا تھا کہ ہندوستان ایشیا کپ کھیلنے کے لیے پاکستان نہیں جائے گا اور ٹورنامنٹ کسی اور ملک میں ہو گا۔

 اس کے جواب میں پاکستان کرکٹ بورڈ (پی سی بی) کے اس وقت کے چیئرمین رمیز راجہ نے کہا کہ اگر ہندستان ایشیا کپ کے لیے پاکستان نہیں گیا تو ان کی ٹیم بھی ون ڈے ورلڈ کپ کے لیے ہندستان کا دورہ نہیں کرے گی۔

پی سی بی کے موجودہ چیئرمین نے بھی راجہ کے بیان سے اتفاق کیا ہے، حالانکہ اے سی سی ٹورنامنٹ کے انعقاد کے حوالے سے ابھی تک کسی نتیجے پر نہیں پہنچا ہے۔

اپنے منصوبے پر بابر نے کہا کہ میں محمد رضوان کے ساتھ مل کر رن بنانے کی کوشش کروں گا، ہم نے اننگز کا آغاز کرتے ہوئے اچھی پارٹنرشپ کی ہیں حالانکہ ہر میچ میں رن بنانا ممکن نہیں ہوتا، یہ ضروری ہے کہ صرف دو کھلاڑیوں پر انحصار نہ کیا جائے۔”

بابر اس وقت پاکستان سپر لیگ (پی ایس ایل) میں پشاور زلمی کی کپتانی کر رہے ہیں۔ ان کی ٹیم اس وقت چھ ٹیموں کے ٹیبل میں چوتھے نمبر پر ہے۔

بابر نے اپنی ٹیم کی پی ایس ایل مہم کے بارے میں کہا، "پشاور زلمی کے ساتھ یہ ایک اچھا سفر رہا ہے۔ ہم نے کچھ غلطیاں کیں اور ہم کچھ میچ جیتنے میں ناکام رہے۔ ہم آنے والے میچوں میں اپنی بہترین کارکردگی دکھانے کی کوشش کریں گے۔”