چین نے اپنا جدید ترین ریموٹ سینسنگ سیٹلائٹ لانچ کیا

جیوکوان: چین نے چہارشنبہ  کے روز شمال مغربی چین میں واقع جیوکوان سیٹلائٹ لانچ سینٹر سے اپنا جدید ترین ریموٹ سینسنگ سیٹلائٹ خلا میں روانہ کیا ہے۔

سیٹلائٹ، یاوگان-33 04 کو مقامی وقت کے مطابق صبح 4:15 بجے (بیجنگ وقت) لانگ مارچ-4C کیریئر راکٹ کے ذریعہ چھوڑا گیا، جو کامیابی سے اپنے طے شدہ مدار میں داخل ہو گیا ہے۔

اس سیٹلائٹ کو سائنسی تجربات، زمینی وسائل کے سروے، فصلوں کی پیداوار کا تخمینہ اور آفات سے بچاؤ اور امدادی کارروائیوں کے لیے استعمال کیا جائے گا۔ یہ لانچ لانگ مارچ کیریئر راکٹ سیریز کا 489 واں فلائٹ مشن تھا۔