تلنگانہ تلی اتسو منانے کا فیصلہ، سونیا گاندھی کو مدعو کیا جائے گا

حیدرآباد: حکومت تلنگانہ نے ہرسال 9دسمبر کوتلنگانہ تلی اتسو منانے کافیصلہ کیاہے۔

چیف منسٹر ریونت ریڈی نے بتایا کہ 9دسمبر کوسکریٹریٹ کے احاطہ میں تلنگانہ تلی کے مجسمہ کی نقاب کشائی کے لئے سونیاگاندھی کومدعو کیاجائے گا۔

9 دسمبر کوسونیاگاندھی کی سالگرہ بھی ہے علاوہ ازیں اس دن تشکیل تلنگانہ کے لئے پہلا مثبت قدم اٹھایاگیا تھا۔

سابق مرکزی وزیر داخلہ چدمبرم نے حکومت ہند کی طرف سے تشکیل تلنگانہ کے لئے قدم اٹھانے کا اعلان کیا تھا۔

ان تمام امور کومدنظررکھتے ہوئے حکومت نے ہرسال 9دسمبر کو تلنگانہ تلی اتسو کے اہتمام کا فیصلہ کیا ہے۔