انڈونیشیا میں زلزلے کے جھٹکے

جکارتہ: انڈونیشیا کے مشرقی صوبے پاپوا میں جمعہ کو زلزلے کے جھٹکے محسوس کیے گئے۔ محکمہ موسمیات اور جیو فزکس ایجنسی نے یہ اطلاع دی۔

ایجنسی نے بتایا کہ مقامی وقت کے مطابق صبح 11:25 پر آنے والے زلزلے کی شدت ریکٹر اسکیل پر 5.0 بتائی گئی۔ زلزلے کا مرکز جیا پورہ ضلع سے 42 کلومیٹر شمال مغرب میں زمین سے 28 کلومیٹر کی گہرائی میں تھا۔ ایجنسی نے کہا کہ زلزلے سے سونامی کی وارننگ جاری نہیں کی گئی۔