معروف فلم ڈائریکٹر وشوناتھ چل بسے

حیدرآباد: نامور فلم ڈائریکٹر اور اسکرین رائٹر اور اداکار کاسینادھونی وشواناتھ کا جمعرات کی رات بزرگی سے متعلق بیماریوں کی وجہ سے یہاں انتقال ہوگیا۔ ان کی عمر 92 برس تھی۔

خاندانی ذرائع سے ملی اطلاعات کے مطابق وشواناتھ کافی عرصے سے بیمار تھے اور بزرگی سے متعلق مسائل تھے۔ وشوناتھ نے کل دیر رات ایک نجی اسپتال میں آخری سانس لی۔ وشواناتھ، جو ’کلات پسوی‘ کے نام سے مشہور ہیں۔

 فروری 1930 میں آندھرا پردیش کے گنٹور ضلع کے ریپلے گاؤں میں پیدا ہوئے۔ انہوں نے شنکرابھارنم، ساگر سنگم، سواتھی متھیم اور سوارنا کملم جیسی مشہور فلموں کی ہدایت کاری کرکے مقبولیت حاصل کی۔

تلگو سنیما کے علاوہ انہوں نے تامل اور ہندی فلموں میں بھی کافی مقبولیت حاصل کی۔ وہ دادا صاحب پھالکے ایوارڈ سے نوازے جانے والے 48ویں شخص تھے۔ یہ ایوارڈ ہندوستانی سنیما کا سب سے بڑا اعزاز سمجھا جاتا ہے۔ انہیں 2017 میں دادا صاحب پھالکے ایوارڈ سے نوازا گیا۔

انہوں نے بنیادی طور پر تیلگو فلموں کے لیے کام کیا۔ تیلگو سنیما میں ان کے کام کو بہت سراہا گیا۔ وہ پانچ قومی فلم ایوارڈز، سات ریاستی نندی ایوارڈ، دس فلم فیئر ایوارڈ ساؤتھ اور ہندی میں ایک فلم فیئر ایوارڈ حاصل کرنے والے تھے۔

انہیں 1981 میں فرانس کے بیسان فلم فیسٹیول میں ’پرائز آف دی پبلک‘ سے نوازا گیا۔ سال 1992 میں، انہیں آرٹس میں ان کی شراکت کے لیے آندھرا پردیش اسٹیٹ رگھوپتی وینکیا ایوارڈ اور شہری اعزاز پدم شری سے نوازا گیا۔