گیان واپی مسجد تنازعہ‘ سپریم کورٹ میں آئندہ ماہ سماعت

نئی دہلی: سپریم کورٹ نے منگل کے دن آمادگی ظاہر کی کہ گیان واپی مسجد کامپلکس تنازعہ سے متعلق وارانسی عدالت میں داخل تمام مقدمات کو یکجا کرنے کی ہندو فریق کی درخواست کی سماعت 21  اپریل کو کی جائے۔

 چیف جسٹس ڈی وائی چندرچوڑ‘ جسٹس پی ایس نرسمہا اور جسٹس جے بی پاڑدی والا پر مشتمل بنچ نے وکیل وشنو شنکر جین کی اس بات کا نوٹ لیا کہ ضلع جج وارانسی تمام دیوانی مقدمات کو یکجا کرنے کی درخواست پر فیصلہ 5 مرتبہ ملتوی کرچکے ہیں۔ اس پر بنچ نے کہا کہ ہم 21  اپریل کو سماعت کریں گے۔