حائیڈرا نے گھٹکیسر میں سرکاری اراضی پر تعمیر دیوارمنہدم کردی

حیدرآباد: تالابوں، جھیلوں، نہروں، سرکاری اراضیات پر غیرمجازقبضوں کو روکنے اورانہدام کے لئے حال ہی میں تلنگانہ حکومت کی جانب سے تشکیل دی گئی حیدرآبادڈیزاسٹررسپانس اینڈ ایسٹ مانیٹرنگ اینڈ پروٹکشن ایجنسی(حائیڈرا)نے ایک اور انہدامی کارروائی کی۔

حکام نے گھٹکیسر میں سرکاری اراضی پر غیر مجاز قبضہ کرتے ہوئے تعمیر کردہ دیوار کو منہدم کردیا۔حیدرا کے حکامک نے پوچارم میونسپلٹی کے تحت ناراپلی دیویا نگر میں ہفتہ کی صبح یہ انہدامی کارروائی انجام دی۔حیدرا کے عملہ نے چار کلومیٹر لمبی دیوار کومنہدم کردیا۔

 اس موقع پر کسی بھی ناخوشگوار واقعہ کو روکنے کے لئے پولیس کی بھاری نفری تعینات کی گئی تھی۔اس ماہ کی 12 تاریخ کو حیدرا کے کمشنر رام ناتھ نے مقامی افرادکی شکایت پراس علاقہ کے لے آؤٹ کا معائنہ کیاتھا اور غیر قانونی تعمیرات کی جانچ کی گئی۔

 عہدیداروں نے سروے کیا تو پتہ چلا کہ سرکاری اراضی پر دیوار تعمیر کی گئی ہے جس کے بعد انہدامی کارروائی انجام دی گئی۔یہ لے آؤٹ جملہ200 ایکڑ رقبہ پر پھیلا ہوا ہے۔ اس میں جملہ 2218 پلاٹ تھے۔