ایل پی جی صارفین کیلئے انڈین آئل کی نئی سہولت، اب سلینڈر صرف 4 گھنٹے میں گھر پہنچ جائے گا
انڈین آئل نے بتایا کہ نئی سروس کے تحت صارفین اپنی سہولت کے مطابق گیس سلنڈر کی ڈیلیوری کا وقت بھی منتخب کر سکیں گے۔ اس کے علاوہ ڈیجیٹل طریقے سے آسان بکنگ کی سہولت بھی فراہم کی گئی ہے، جس سے گیس بکنگ کا عمل پہلے سے زیادہ تیز، شفاف اور آسان ہو جائے گا۔
نئی دہلی: انڈین آئل کارپوریشن لمیٹڈ (IOCL) نے ایل پی جی صارفین کے لیے ایک نئی سہولت متعارف کرائی ہے۔ کمپنی نے "انڈین ایکسٹرا لائٹ ناؤ (Indane XTRALITE NOW)” کے نام سے 10 کلوگرام کا ہلکا کمپوزٹ گیس سلنڈر لانچ کیا ہے۔ اس کے ساتھ ہی بکنگ کے صرف چار گھنٹوں کے اندر گھر تک گیس سلنڈر پہنچانے کی سروس بھی شروع کر دی گئی ہے۔
کمپنی کے مطابق روایتی اسٹیل کے سلنڈروں کے مقابلے میں یہ 10 کلوگرام کمپوزٹ سلنڈر کافی ہلکا ہے، جس کی وجہ سے اسے اٹھانا، ایک جگہ سے دوسری جگہ منتقل کرنا اور استعمال کرنا زیادہ آسان ہوگا۔ یہ سلنڈر گھریلو استعمال کے علاوہ چھوٹے کاروباروں کے لیے بھی موزوں قرار دیا گیا ہے۔
انڈین آئل نے بتایا کہ نئی سروس کے تحت صارفین اپنی سہولت کے مطابق گیس سلنڈر کی ڈیلیوری کا وقت بھی منتخب کر سکیں گے۔ اس کے علاوہ ڈیجیٹل طریقے سے آسان بکنگ کی سہولت بھی فراہم کی گئی ہے، جس سے گیس بکنگ کا عمل پہلے سے زیادہ تیز، شفاف اور آسان ہو جائے گا۔
فی الحال یہ نئی سروس پونے، گروگرام، اندور اور کوئمبتور کے منتخب شہروں میں شروع کی گئی ہے۔ کمپنی کا کہنا ہے کہ صارفین کے مثبت ردعمل کی بنیاد پر اسے جلد ہی ملک کے دیگر شہروں تک بھی توسیع دی جائے گی۔
انڈین آئل نے یہ بھی اعلان کیا ہے کہ 5 کلوگرام انڈین "چھوٹو” (Chhotu) گیس سلنڈر کے لیے بھی چار گھنٹوں میں ہوم ڈیلیوری کی سہولت فراہم کی جا رہی ہے۔ یہ سلنڈر خاص طور پر چھوٹے خاندانوں، طلبہ اور چھوٹے کاروبار کرنے والوں میں مقبول ہے، جسے اب پہلے سے زیادہ تیزی سے صارفین تک پہنچایا جائے گا۔
کمپنی کا کہنا ہے کہ اس نئی پہل کا مقصد ایل پی جی صارفین کو زیادہ آسان، تیز اور جدید خدمات فراہم کرنا ہے تاکہ گیس سلنڈر کی فراہمی مزید مؤثر اور صارف دوست بن سکے۔
