حج کیلئے سب سے زیادہ درخواستیں یوپی کے مراد آباد سے موصول ہوئیں

مرادآباد: اترپردیش میں حج کے لئے اب تک سب سے زیادہ دو ہزار 362درخواستیں مرادآباد ڈویژن سے موصول ہوئی ہیں۔ ضلع اقلیتی بہبود افسر انجنا سروہی نے ہفتہ کو بتایا کہ مرادآباد ڈویژن کے مرادآباد، بجنور، رامپور، امروہہ اور سنبھل سے اب تک 2362درخواستین موصول ہوچکی ہیں۔ سفر حج کے لئے درخواست کی آخری تاریخ 20مارچ طے کی گئی ہے۔

انہوں نے بتایا کہ ریاست میں سب سے زیادہ حج پر جانے والے امیدواروں میں سب سے زیادہ 2362مرادآباد سے ہیں جبکہ دوسرے نمبر پر لکھنؤ سے ایک ہزار 261 اور تیسرے نمبر پر ایک ہزار رامپور سے آئے ہیں۔وہیں مرادآباد ڈویژن کے اضلاع بجنور سے 951،امروہہ سے 683 اور سنبھل سے سب سے کم 664 درخواستیں موصول ہوئی ہیں۔