اسکل ڈیولپمنٹ اسکام کیس میں چندرا بابو نائیڈو کو مستقل ضمانت

حیدرآباد: آندھراپردیش ہائی کورٹ نے اسکل ڈیولپمنٹ اسکام کے مقدمہ میں سابق وزیراعلی این چندرا بابو نائیڈو کی مستقل ضمانت منظور کرلی ہے۔

ہائی کورٹ کے وکیل نے بتایا کہ چندرا بابو نائیڈو جو 28نومبر تک عبوری ضمانت پر تھے کو اس معاملہ میں مستقل ضمانت حاصل ہوگئی ہے۔

تلگودیشم کی قانونی ٹیم کی نمائندگی کرنے والے ایڈوکیٹ سدھارتھ لترا نے عدالت میں دلائل پیش کئے جس کے بعد اے پی ہائیکورٹ نے انہیں مقدمہ میں مستقل ضمانت منظور کرلی۔

چندرابابو کو مکمل ضمانت پر تلگودیشم کے کیڈر اور ہمدردوں میں خوشی کی لہر دوڑ گئی ہے۔ قبل ازیں اس ماہ کے اوائل میں نائیڈو کو اس معاملہ کے سلسلہ میں عبوری راحت دی گئی تھی جس پر وہ راجمندری جیل سے رہا ہوئے تھے۔