سعودی عرب میں قیدیوں کو عام معافی کے احکام

جدہ: سعودی عرب کے حکام کی جانب سے عام معافی کے تحت قیدیوں کی رہائی کے انتظامات کئے جارہے ہیں۔

جنرل ڈائریکٹریٹ آف پریزنس نے ان قیدیوں کی رہائی کے انتظامات شروع کئے گئے ہیں جنہیں مجرم قرار دینے کے بعد جیل کی معیاد کی تکمیل کر رہے ہیں۔

عہدیدار نے بتایا ہے کہ شاہ سلطنت کی جانب سے مرد اور خاتون قیدیوں کو عام معافی دی جارہی ہے۔ شاہ سلمان کی ہدایت پر اس پر عمل آوری کی جارہی ہے۔

ڈائریکٹر جنرل محابس نے بتایا کہ وزیر داخلہ شہزادہ عبدالعزیز بن سعود بن نائف نے شاہی حکم پر تیزی سے عمل آوری کی ہدایت دی ہے تاکہ رہائی سے متعلق عمل کی تکمیل ہوجائے اور وہ اپنے ارکان خاندان کو واپس ہوسکیں۔

یہ بات سعودی پریس ایجنسی نے بتائی اور کہا کہ شہزادہ عبدالعزیز کی انسانی ہمدردی اور خیر سگالی جذبہ کی وجہ قیدیوں کی رہائی کی راہ ہموار ہوگی اور وہ معافی سے استفادہ کرنے کے بعد اپنے ارکان خاندان کے واپس ہوسکیں گے۔