عاشق نے معشوقہ کا قتل کردیا

حیدرآباد:عاشق نے اس کی ہراسانی کی شکایت ماں سے کرنے پر اپنی معشوقہ کا قتل کردیا، یہ دونوں تقریبا8سال سے ایک ساتھ زندگی گذاررہے تھے۔ یہ واردات شہرحیدرآباد کے بنجارہ ہلز پولیس اسٹیشن حدودمیں پیش آئی۔ تفصیلات کے مطابق ملزم سدانند ایک پرائیویٹ ملازم ہے۔

 وہ اسی علاقہ میں رہنے والی 27سالہ پلوی کے ساتھ 8سال سے بغیر شادی کے زندگی گذاررہا تھا۔ حالانکہ اس نے اسی دوران دوسری خاتون سے شادی کی اور دو بچوں کا باپ بن گیا۔ اس کے باوجود اس نے پلوی کے ساتھ بھی یہ ناجائز رشتہ کو برقراررکھا۔

سدانند کچھ دنوں سے پلوی کو ہراساں کررہا تھا۔پلوی نے اپنی ماں کو اس بات کی اطلاع بذریعہ فون دی جو پداپلی ضلع میں رہتی ہے۔ اس نے ماں کو بتایا کہ سدانند مارپیٹ کررہا ہے اور شدید مار رہا ہے۔

جب پلوی کی ماں اس سے ملاقات کے لئے آرہی تھی تو سدانند نے اس کو راستہ میں مل کر بتایا کہ اس نے پلوی کا قتل کردیا ہے۔اس کی ماں نے اس خصوص میں بنجارہ ہلز پولیس میں شکایت درج کرائی۔ پولیس نے ملزم کو حراست میں لے لیا ۔