دہلیسوشیل میڈیا

ویڈیو: مردہ قرار دیا گیا نومولود بچہ ڈھائی گھنٹے بعد زندہ پایا گیا

طبی لاپرواہی کے ایک چونکا دینے والے واقعہ میں لوک نائک جئے پرکاش ہاسپٹل میں ایک ڈاکٹر کی جانب سے مردہ قرار دیاگیا نومولود بچہ ڈھائی گھنٹے بعد زندہ پایا گیا۔

نئی دہلی: طبی لاپرواہی کے ایک چونکا دینے والے واقعہ میں لوک نائک جئے پرکاش ہاسپٹل میں ایک ڈاکٹر کی جانب سے مردہ قرار دیاگیا نومولود بچہ ڈھائی گھنٹے بعد زندہ پایا گیا۔

متعلقہ خبریں
خواتین، نومولود کو قبرستان میں چھوڑ کر فرار، دبیرپورہ میں واقعہ
بلارم علاقہ میں کتے کے منہ میں نومولود کے سر سے سنسنی
کارسے گھسیٹنے سے انجلی کی موت واقعہ پر 11 پولیس ملازم معطل
اے پی میں 8دن کی نوزائیدہ کے اغوا کامعاملہ حل

نومولود اراکین خاندان نے الزام لگایا کہ ہاسپٹل کے ڈاکٹرس کی جانب سے اتوار کی دوپہر پیدا ہونے والے بچہ کو مردہ قرار دے کر ایک باکس میں رشتہ داروں کے حوالے کیا گیا۔

خاندان کے اراکین نے گھر پہنچ کر باکس کھولا تو نومولود بچہ زندہ تھا۔ خاندان نے دعویٰ کیا کہ نومولود بچہ ڈھائی گھنٹے بعد زندہ پایا گیا۔ رشتہ داروں نے واقعہ کا ایک ویڈیو بھی تیار کیا جس میں نومولود کو باکس میں زندہ دیکھا جاسکتا ہے۔

رشتہ داروں نے الزام لگایا کہ خاندان کے اراکین نومولود کو داخل کرانے کے لئے دوبارہ ہاسپٹل پہنچے مگرڈاکٹروں کی جانب سے انکار کیا گیا۔ دہلی پولیس کی مداخلت پر فی الحال نومولود کا ہاسپٹل میں علاج کیا جارہا ہے تاہم ہاسپٹل نے ڈاکٹرس کی جانب سے مبینہ طبی لاپرواہی پر کوئی بیان جاری نہیں کیا۔