سونیا گاندھی‘ روبہ صحت

نئی دہلی: سانس کی نالی کے انفیکشن کے علاج کے لئے دہلی کے سرگنگارام ہاسپٹل میں شریک صدرنشین یو پی اے سونیاگاندھی کی حالت مستحکم ہے اور انہیں افاقہ ہورہا ہے۔ صدرنشین بورڈ آف مینجمنٹ سر گنگارام ہاسپٹل ڈاکٹر اجئے سوروپ نے یہ بات بتائی۔

سونیا گاندھی‘  ڈپارٹمنٹ آف چیسٹ میڈیسن میں ڈاکٹر اروپ باسو اور ان کی ٹیم کی نگرانی میں زیرعلاج ہیں۔ کانگریس کی سابق سربراہ 28 دسمبر کو کانگریس کے یوم ِ تاسیس کے موقع پر دکھائی دی تھیں۔ انہوں نے 24 دسمبر کو دہلی میں بھارت جوڑو یاترا میں بھی حصہ لیا تھا۔