گجرات اسمبلی انتخابات: کانگریس کے تاحال 142 امیدواروں کا اعلان

نئی دہلی: کانگریس نے گجرات اسمبلی انتخابات کے لئے اب تک 142 امیدواروں کے ناموں کا اعلان کر دیا ہے۔

کانگریس کے انتخابی انچارج مکل واسنک نے کہا کہ پارٹی کی سنٹرل الیکشن کمیٹی نے 142 امیدواروں کے ناموں کوقطعیت دے دی ہے۔

پارٹی نے اب تک چھ فہرستیں جاری کی ہیں جن میں گجرات قانون ساز اسمبلی کے دو مرحلوں میں ہونے والے انتخابات کے لئے 142 امیدواروں کے ناموں کا اعلان کیا گیا ہے۔

ریاست کی 182 اسمبلی سیٹوں میں سے پہلے مرحلے میں 89 سیٹوں پر یکم دسمبر کو اور بقیہ 93 سیٹوں پر 5 دسمبر کو پولنگ ہوگی۔ ووٹوں کی گنتی 8 دسمبر کو ہوگی۔