جرائم و حادثات

بہار سے بنگالورو جانوروں کی منتقلی، گاڑی تلنگانہ میں حادثہ کا شکار، دو مگرمچھ باہر نکل گئے

تلنگانہ کے ضلع نرمل میں جانوروں کو منتقل کرنے والی گاڑی حادثہ کا شکارہوگئی جس کے نتیجہ میں دومگرمچھ گاڑی سے نکل پڑے۔

حیدرآباد: تلنگانہ کے ضلع نرمل میں جانوروں کو منتقل کرنے والی گاڑی حادثہ کا شکارہوگئی جس کے نتیجہ میں دومگرمچھ گاڑی سے نکل پڑے۔

متعلقہ خبریں
حیدرآباد میں دل دہلا دینے والا واقعہ: چھ ماہ بعد کنویں سے خاتون کی لاش برآمد
متلاشیان روزگار کو دھوکہ سے کمبوڈیا روانہ کرنے پر یو پی کے ایک شخص کی گرفتاری
ٹی یو ڈبلیو جے ایف کے ایک وفد کی چیرمین تلنگانہ میڈیا اکیڈیمی سے ملاقات
جمعیت علماء عنبرپیٹ کا مشاورتی اجلاس، ممبرسازی مہم کو مکمل کرنے اور عظمتِ صحابہؓ و یومِ آزادی کے پروگرامز پر اہم فیصلے
مادری زبانوں کی حفاظت و ترویج وقت کی اہم ترین ضرورت ہے: وزیر اقلیتی بہبود سے وفد کی ملاقات

یہ حادثہ ضلع کے مونڈی گوٹ گاوں کے قریب اُس وقت پیش آیا جب بہار کے دارالحکومت پٹنہ کے سنجے گاندھی نیشنل زو پارک سے مختلف اقسام کے جنگلی جانوروں کو بنگالورو کے بانیراگٹا نیشنل زو پارک منتقل کرنے کیلئے جانے والی دوگاڑیوں میں سے ایک گاڑی کا توازن ڈرائیور نے مونڈی گوٹ گاؤں کے قریب کھودیا جس کے نتیجہ میں یہ گاڑی الٹ گئی۔

ا س حادثہ کے ساتھ ہی 8 مگرمچھ میں سے دو باہر نکل آئے، تاہم مقامی جنگلات کے حکام نے فوری حفاظتی اقدامات کرکے انہیں پکڑلیا۔

تمام جانوروں کو دوسری گاڑی میں بنگالورو روانہ کیا گیا۔گاڑی میں موجود تمام دیگر جانور محفوظ رہے۔ ان میں مگرمچھ اور نایاب سفید شیر بھی شامل تھے۔

ایس پی نرمل ضلع جانکی شرمیلا نے اس آپریشن کی نگرانی کی۔