آشرم میں نابالغ کی عصمت ریزی کا الزام، سوامی گرفتار

حیدرآباد: آندھراپردیش کے وشاکھاپٹنم میں پولیس نے ایک سوامی کو گرفتار کرلیاجس پر نابالغ لڑکی کی عصمت دری کاالزام ہے۔ذرائع کے مطابق یہ ایک یتیم لڑکی ہے جس نے اس خصوص میں پولیس سے کی گئی شکایت میں الزام لگایا کہ چند سال پہلے اس کے والدین کی موت ہوگئی تھی۔

 جس کے بعد سے ہی وہ آشرم میں پناہ لی ہوئی تھی تاہم آشرم کے سوامی نے اس کی عصمت دری کی۔یہ سلسلہ تقریبا دو سال تک جاری رہا۔اس لڑکی کی شکایت کی بنیاد پر پولیس چوکس ہوگئی جس نے اس خصوص میں ایک معاملہ درج کرکے سوامی کو گرفتار کرتے ہوئے ریمانڈ کردیا۔

متاثرہ نے کہاکہ اس کو زنجیروں میں باندھا جاتا اور یہ سلسلہ تقریبا ایک سال سے جاری تھا۔کسی بھی قسم کی مزاحمت پر اس کو زدوکوب بھی کیاجاتا اور ڈرایا ودھمکایا جاتا۔

اس لڑکی نے کہاکہ آشرم کے اس سوامی کے مظالم سے وہ تنگ آگئی تھی اور کسی طرح اس نے اس آشرم میں کام کرنے والی کی مدد حاصل کرتے ہوئے اس آشرم سے باہر نکلنے میں کامیابی حاصل کی اور بعد ازاں پولیس سے رجوع ہوئی۔