محبت کے نام پر لڑکی کوہراساں کرنے پر نوجوان گرفتار

حیدرآباد: آندھراپردیش کے کاکناڈا میں پولیس نے ایک نوجوان کو لڑکی کومحبت کے نام پر ہراساں کرنے پر گرفتارکرتے ہوئے ریمانڈ کردیا۔

21سالہ ناگاراجو کو عدالت میں پیش کیاگیا۔فرسٹ کلاس مجسٹریٹ نے اس نوجوان کو 14دنوں کی تحویل میں دے دیا۔

امبیکا پرساد ڈی ایس پی املاپورم نے بتایا کہ ملزم اور متاثرہ ایک ہی طبقہ سے تعلق رکھتے ہیں اور وہ گذشتہ دو سال سے ایک دوسرے سے محبت کرتے تھے۔

جب لڑکی نے شادی کیلئے اصرار کیاتو نوجوان نے اس سے انکار کردیاجس کے بعد لڑکی نے پولیس سے شکایت کی۔