”مجرا کرنے گئے تھے:“ ملاقات پر سنجے راؤت کا طنز

ممبئی/نئی دہلی: مہاراشٹرا کے چیف منسٹر ایکناتھ شنڈے اور ڈپٹی چیف منسٹر دیویندر پھڈنویس نے دہلی میں مرکزی وزیر امیت شاہ سے ملاقات کی۔

یہ ملاقات اتوار کو ہوئی۔ فی الحال اجلاس پر سیاست شروع ہوگئی ہے۔ شیوسینا(یوبی ٹی) کے ترجمان اعلیٰ شنڈے حکومت پر طنز کرتے ہوئے کہا کہ وہاں مجرا کرنے گئے تھے۔

راؤت نے کہا کہ پہلے مہاراشٹرا میں ہائی کمان ممبئی میں تھی، لیکن ا ب شنڈے کی اعلیٰ کمان دہلی میں ہے۔ وہ بالا صاحب ٹھاکرے کا نام لیتے ہیں اور شیوسینا کی بات کرتے ہیں لیکن دہلی میں ”مجرا“ کرتے ہیں۔

اصلی شیوسینا دہلی میں کبھی کسی کے آگے نہیں جھکی۔ ہم نے دہلی کی کبھی غلامی نہیں کی۔ اگر آپ کو اپنی کابینہ میں توسیع کرنی ہے تو یہاں بیٹھ کر کریں۔

ایک سال ہوگیا لیکن کابینہ میں توسیع نہیں ہوئی،اس سے پتا چلتا ہے کہ یہ حکومت جارہی ہے۔“راؤت نے اڈیشہ ٹرین حادثہ پر مرکزی حکومت کو تنقید کا نشانہ بنایا۔ انہوں نے کہا کہ مرکزی حکومت نے ”کَوچ“ کے بارے میں بات کی لیکن یہ وہاں نہیں ہے۔