خاتون نے منوسمرتی کو جلا کر سگریٹ سلگائی
وائرل ویڈیو میں وہ چکن پکاتے ہوئے منوسمرتی کی ایک کاپی کو چولہے میں لگی آگ سے جلاتی ہے اور پھر کتاب کو لگی آگ سے اپنا سگریٹ سلگاتی ہے اور اس کے بعد پوری کتاب لکڑیوں کے چولہے میں جل رہی آگ میں ڈال دیتی ہے۔
پٹنہ: 7؍مارچ (آئی اے این ایس) بہار میں رام چرت مانس تنازعہ کے پس منظر میں ہی ایک خاتون کی ایک ویڈیو وائرل ہوئی ہے جس میں وہ منوسمرتی کی ایک کتاب نذر آتش کرکے اس آگ سے سگریٹ سلگا رہی ہے۔
اس کتاب کو نذرآتش کرنے والی عورت کے بارے میں معلوم ہوا ہے کہ وہ آر جے ڈی کی رکن ہے۔ تاہم اس نے اس کے بارے میں کوئی بیان نہیں دیا ہے۔
وائرل ویڈیو میں وہ چکن پکاتے ہوئے منوسمرتی کی ایک کاپی کو چولہے میں لگی آگ سے جلاتی ہے اور پھر کتاب کو لگی آگ سے اپنا سگریٹ سلگاتی ہے اور اس کے بعد پوری کتاب لکڑیوں کے چولہے میں جل رہی آگ میں ڈال دیتی ہے۔
ذرائع نے بتایا کہ اس خاتون کا دعویٰ ہے کہ وہ اس نظریہ اور اس پیغام کی تائید نہیں کرتی جو یہ کتاب معاشرے کو دیتی ہے۔
واقعے کے بعد کچھ سوشل میڈیا صارفین نے دعوی کیا کہ اس طرح کے واقعات سے ہندو برادری کے جذبات کو ٹھیس پہنچائی جارہی ہے۔ تاہم کچھ لوگوں کا یہ بھی کہنا ہے کہ منوسمرتی درست کتاب نہیں ہے کیونکہ اس سے معاشرے میں نفرت پھیلتی ہے۔
واضح رہے کہ بہار کے وزیر تعلیم چندرشیکھر یادو نے قبل ازیں رام چرت مانس کے خلاف ایک بیان دیا تھا جس کی کے بعد ریاست میں ایک بہت بڑا تنازعہ پیدا ہوگیا تھا۔
