بی آر ایس رکن کونسل کوشک ریڈی قومی کمیشن برائے خواتین کے روبرو حاضر

حیدرآباد: تلنگانہ کی حکمران جماعت بی آرایس کے رکن قانون ساز کونسل کوشک ریڈی قومی کمیشن برائے خواتین کے سامنے حاضر ہوئے۔ کمیشن نے تلنگانہ کی گورنر تمیلی سائی سوندراراجن کے خلاف نامناسب ریمارکس کا ازخودنوٹ لیتے ہوئے پر کوشک ریڈی کو نوٹس جاری کی تھی اورہدایت دی تھی کہ وہ کمیشن کے سامنے حاضر ہوں۔

خواتین کے قومی کمیشن نے واضح کیا تھا کہ کوشک ریڈی کے الفاظ گورنر کے وقار کی توہین ہیں۔گزشتہ ماہ کوشک ریڈی نے کریم نگر ضلع کے جمی کنٹہ میں منعقدہ ایک پروگرام میں گورنر کے بارے میں مبینہ طورپر نامناسب تبصرہ کیا تھا۔ قومی کمیشن برائے خواتین نے شدید تنقید کے بعد اس معاملہ کو اپنے طورپر لیتے ہوئے نوٹس جاری کی تھی۔