مونیکا نامی لڑکی کی موت: شہر کے ایک وکیل کا چیف جسٹس ہائی کورٹ کو مکتوب

حیدرآباد: اوپن مین ہول (نالے) میں گرنے سے مونیکا نامی لڑکی کی موت کے بعد شہر کے ایک وکیل سی پربھاکر نے ہائی کورٹ کے نام ایک مکتوب تحریر کیا۔

اپنے مکتوب میں سی پربھاکر نے اس واقعہ کیلئے جی ایچ ایم سی کے عہدیداروں کی لاپرواہی قرار دیا۔ انہوں نے کہا کہ گزشتہ چار سالوں کے دوران مین ہولس میں گرنے سے کئی لوگوں کو جان سے ہاتھ دھونا پڑا ہے۔

مین ہولس کو کوور کرنے کے معاملہ میں جی ایچ ایم سی کے عہدیدار مسلسل لاپرواہی اور عدم سنجیدگی کا مظاہرہ کررہے ہیں۔

چھوٹے بچوں کی موت کے باوجود جی ایچ ایم سی کی جانب سے کوئی خاص اقدامات نہیں کئے جارہے ہیں۔

انہوں نے چیف جسٹس ہائی کورٹ سے مونیکا کی موت کے ذمہ دار عہدیداروں کے خلاف کاروائی کرنے کا مطالبہ کیا۔