چھٹے مرحلے میں 5 بجے تک 57.70 فیصد ووٹنگ۔ سب سے زیادہ مغربی بنگال میں 77.99 فیصد ووٹنگ

نئی دہلی: لوک سبھا انتخابات کے چھٹے مرحلے میں آٹھ ریاستوں اور مرکز کے زیر انتظام علاقوں کی 58 سیٹوں پر ہفتہ کی شام 5 بجے تک اوسطاً 57.70 فیصد ووٹنگ ہوئی۔ ان سیٹوں پر ووٹنگ صبح 7 بجے شروع ہوئی جو شام 6 بجے تک جاری رہے گی۔

مغربی بنگال میں ووٹنگ کی رفتار سب سے تیز ہے، جہاں شام 5 بجے تک 77.99 فیصد ووٹنگ ہوئی جبکہ جموں و کشمیر میں 51.35 فیصد ووٹنگ ہوئی۔

کمیشن کے ذرائع کے مطابق صبح سے ہی کئی پولنگ اسٹیشنوں پر ووٹرز کی لمبی قطاریں دیکھی گئیں۔ مغربی بنگال کے کچھ پولنگ اسٹیشنوں اور جموں و کشمیر کے پنج علاقے میں ایک جگہ پر کچھ گروپوں کے درمیان معمولی جھڑپوں کے کچھ واقعات کو چھوڑ کر ہر جگہ پرامن طریقے سے ووٹنگ جاری ہے۔

الیکشن کمیشن نے ووٹروں کو گرمی سے نجات دلانے کے لیے پولنگ اسٹیشنوں پر سائبان اور پینے کے پانی وغیرہ جیسی سہولیات فراہم کی ہیں۔

شام 5 بجے تک چھٹے مرحلے میں مختلف ریاستوں اور مرکز کے زیر انتظام علاقوں میں ووٹنگ کا فیصد
اس طرح رہا :

ریاست/مرکز کے زیر انتظام علاقہ… ووٹنگ کا فیصد

بہار……………………………52.24
ہریانہ …………………………..55.93
جموں و کشمیر …………….51.35
جھارکھنڈ ………………………………61.41
دہلی …………………………..53.73
اڈیشہ……………………………59.60
اتر پردیش …………………………..52.02
مغربی بنگال …………….77.99

الیکشن کمیشن کے مطابق دہلی کی تمام سات سیٹوں پر ووٹنگ جاری ہے۔ شام 5 بجے تک دارالحکومت دہلی میں اوسطاً 53.73 فیصد ووٹنگ ہوئی۔

سب سے زیادہ 57.97 فیصد ووٹنگ دارالحکومت کے شمال مشرقی دہلی پارلیمانی حلقے میں ہوئی، سب سے کم 50.44 فیصد ووٹروں نے نئی دہلی پارلیمانی سیٹ پر اپنے حق رائے دہی کا استعمال کیا۔

چاندنی چوک میں 53.27 فیصد، مشرقی دہلی میں 53.69 فیصد، شمال مغربی دہلی میں 53.17 فیصد، جنوبی دہلی میں 51.84 فیصد اور مغربی دہلی میں 54.15 فیصد ووٹنگ ہوئی۔

اوڈیشہ اسمبلی کی ووٹنگ کے تیسرے مرحلے میں 42 سیٹوں پر شام 5 بجے تک 59.60 فصد ووٹ پڑے۔

ریاستی اسمبلی انتخابات کے لیے آج 10 اضلاع میں ووٹنگ ہو رہی ہے۔ دیو گڑھ ضلع میں سب سے زیادہ ٹرن آؤٹ 67.00 فیصد اور کٹک ضلع میں سب سے کم 53.14 فیصد رہا۔

اس کے علاوہ انگول میں 65.19 فیصد، ڈھینکنال میں 58.69، کیونجھر میں 62.59، کھردا میں 54.35، میور بھنج میں 61.38، نیا گڑھ میں 61.08، پوری میں 61.96 اور سمبل پور میں 65.61 فیصد ووٹنگ ہوئی۔