طوفان میں ٹین شیڈ کے ساتھ نوجوان بھی ہوا میں اڑ گیا، ویڈیو وائرل
واقعے کے وقت نوجوان گاؤں کے ایک بارات گھر (شادی ہال) کے پاس کھڑا تھا۔ ہوا کے شدید دباؤ کی وجہ سے بارات گھر کی چھت پر لگا ٹین شیڈ اکھڑنے لگا۔ نوجوان نے اسے گرنے سے بچانے کے لیے مضبوطی سے پکڑ لیا، لیکن ہوا کی رفتار اتنی تیز تھی کہ وہ ٹین شیڈ کے ساتھ خود بھی فضا میں بلند ہو گیا۔
اتر پردیش (بریلی): بریلی میں 13 مئی 2026 کی شام آنے والے اچانک اور شدید طوفان نے جہاں تباہی مچائی، وہیں ایک ایسا منظر بھی دیکھنے کو ملا جس نے دیکھنے والوں کے ہوش اڑا دیے۔ تیز ہواؤں اور موسلا دھار بارش کے دوران ایک نوجوان ٹین شیڈ (Tin Shed) کو پکڑے ہوئے کئی فٹ بلند آسمان میں اڑتا دکھائی دیا۔ اس عجیب و غریب واقعے کی ویڈیو سوشل میڈیا پر جنگل کی آگ کی طرح پھیل گئی ہے۔
یہ واقعہ بریلی کے تھانہ بھمورا کے گاؤں بمیانہ میں پیش آیا۔ چہارشنبہ کی شام موسم نے اچانک کروٹ لی اور دیکھتے ہی دیکھتے تیز آندھی نے درختوں اور بجلی کے کھمبوں کو جڑ سے اکھاڑ پھینکا۔
واقعے کے وقت نوجوان گاؤں کے ایک بارات گھر (شادی ہال) کے پاس کھڑا تھا۔ ہوا کے شدید دباؤ کی وجہ سے بارات گھر کی چھت پر لگا ٹین شیڈ اکھڑنے لگا۔ نوجوان نے اسے گرنے سے بچانے کے لیے مضبوطی سے پکڑ لیا، لیکن ہوا کی رفتار اتنی تیز تھی کہ وہ ٹین شیڈ کے ساتھ خود بھی فضا میں بلند ہو گیا۔
نوجوان کے ہاتھ اور پاؤں ٹوٹ گئے ہیں اور وہ اس وقت ایک نجی ہسپتال میں زیرِ علاج ہے۔
صارفین اس ویڈیو کو دیکھ کر جہاں حیران ہیں، وہیں اسے ‘اصلی سوپر مین’ اور ‘فلائنگ مین آف بریلی’ جیسے القابات دے رہے ہیں۔
جہاں یہ واقعہ ایک بڑا حادثہ تھا، وہیں انٹرنیٹ صارفین نے اس پر دلچسپ کمنٹس بھی کیے۔
ایک صارف نے لکھا: "لگتا ہے ایئر انڈیا کی ٹریننگ شروع ہو گئی ہے۔”
دوسرے نے کہا: "یہ منظر کسی بالی ووڈ فلم سے کم نہیں تھا۔”
کچھ لوگوں نے اسے #FlyingManOfBareilly کے ہیش ٹیگ کے ساتھ شیئر کر کے ٹرینڈ بنا دیا۔
