انٹرٹینمنٹ
ٹرینڈنگ

رشمیکا مندانا کے بعد کٹرینہ کیف کی بھی ڈیپ فیک  فوٹو وائرل

اصل تصویر میں بالی ووڈ اسٹار فلم ‘ٹائیگر 3′ کے ایک سین میں ہالی ووڈ کی اسٹنٹ وومین سے لڑرہی تھیں، تاہم سوشل میڈیا پر وائرل جعلی تصویر میں کٹرینہ کیف کے لباس کو تبدیل کرتے ہوئے نامناسب انداز میں دکھایا گیا ہے۔

ممبئی: ٹامل فلموں کی خوبرو اداکارہ رشمیکا مندانا کے بعد اب بالی ووڈ کوئین کٹرینہ کیف کی نامناسب ڈیپ فیک (جعلی) تصویر وائرل ہوگئی ہے۔ رشمیکا مندانا کی ایک نامناسب جعلی ویڈیو نے بھارتی فلم انڈسٹری کو چونکا دیا جبکہ اداکارہ خود اپنی جعلی ویڈیو کی وجہ سے کافی خوفزدہ ہوگئی ہیں۔

متعلقہ خبریں
پرینکا چوپڑا بھی ڈیپ فیک ویڈیو کا شکار
بی جے پی کے خلاف الیکشن کمیشن سے شکایت

 ہندوستان میں ابھی رشمیکا کی جعلی ویڈیو پر تشویش کا ہی اظہار کیا جارہا تھا کہ اسی دوران بالی ووڈ اسٹار کٹرینہ کیف کی بھی نامناسب ڈیپ فیک فوٹو( جعلی تصویر) منظرِ عام پر آگئی ہے۔

ہندوستانی میڈیا کا کہنا ہے کہ کٹرینہ کیف کی تصویر کو AI ٹولز کا استعمال کرتے ہوئے تبدیل کیا گیا ہے، جو ویڈیوز اور تصاویر میں کسی بھی انسان کے چہروں کو تبدیل کرنے کی صلاحیت رکھتا ہے۔

ہندوستانی میڈیا کے مطابق بالی ووڈ کی نئی آنے والی فلم ‘ٹائیگر 3′ کے ایک سین سے کٹرینہ کیف کی تصویر کو ڈیپ فیک (جعلی) تصویر میں تبدیل کرکے سوشل میڈیا پر وائرل کیا گیا ہے۔

اصل تصویر میں بالی ووڈ اسٹار فلم ‘ٹائیگر 3′ کے ایک سین میں ہالی ووڈ کی اسٹنٹ وومین سے لڑرہی تھیں، تاہم سوشل میڈیا پر وائرل جعلی تصویر میں کٹرینہ کیف کے لباس کو تبدیل کرتے ہوئے نامناسب انداز میں دکھایا گیا ہے۔

واضح رہے کہ دو روز قبل سوشل میڈیا پر ایک غیراخلاقی ویڈیو وائرل ہوئی تھی جس میں ایک خاتون نازیبا لباس میں ملبوس لِفٹ میں داخل ہورہی تھیں، ویڈیو میں نظر آنے والی خاتون کا چہرہ ایڈیٹنگ کرکے فلم “پشپا” کی معروف اداکارہ رشمیکا مندانا کے چہرے سے بدل دیا گیا تھا۔

یہ ویڈیو وائرل ہونے کے بعد، کئی سوشل میڈیا صارفین نے نشاندہی کی تھی کہ یہ ویڈیو جعلی ہے، صارفین نے نشاندہی کی تھی کہ اصل ویڈیو میں خاتون زارا پٹیل تھیں، جوکہ ایک ہندوستانی نژاد برطانوی خاتون ہیں اور سوشل میڈیا پر کافی مقبول ہیں۔ دوسری جانب رشمیکا مندانا نے جعلی ویڈیو کو ’ انتہائی خوف زدہ ‘ کرنے والا عمل قرار دیا تھا۔