امریکہ میں کار حاثہ، 6 افراد ہلاک

واشنگٹن: امریکی ریاست میری لینڈ میں ہائی وے ورک زون میں ایک کار حادثہ میں چھ افراد ہلاک ہو گئے۔ میری لینڈ اسٹیٹ پولیس نے جمعرات کو یہ اطلاع دی۔

ابتدائی تحقیقات کے مطابق، عارضی طور پر رکھی جرسی کی دیواروں کے درمیان سفر کرنے والی ایک بھوری رنگ کی کار، کام کے علاقے میں داخل ہوئی اور کئی تعمیراتی کارکنوں کو ٹکر مارنے کے بعد الٹ گئی۔

 زخمیوں میں سے چھ کو ایمرجنسی میڈیکل سروس کے اہلکاروں نے جائے وقوعہ پر ہی مردہ قرار دے دیا۔ مرنے والوں کی تاحال شناخت نہیں ہو سکی ہے۔

کار کا ڈرائیور بال بال بچ گیا اور اسے علاج کے لیے اسپتال میں داخل کرایا گیا ہے۔ پولیس نے بتایا کہ ڈرائیور کی شناخت نہیں ہوسکی ہے اور حادثے کی تحقیقات کی جارہی ہے۔

میری لینڈ کے گورنر ویس مور نے بدھ کی سہ پہر ٹویٹ کیا کہ ان کا دفتر مقامی حکام کے ساتھ رابطے میں ہے اور صورتحال کی نگرانی جاری رکھے گا۔