امریکہ و کینیڈا

ڈونالڈ ٹرمپ کا فیس بک اکاؤنٹ 2 سال کی معطلی کے بعد بحال

رپورٹ میں کہا گیا ہے کہ دونوں پلیٹ فارمز کی پیرنٹ کمپنی میٹا نے کہا کہ اس نے پابندی ختم کرنے کا فیصلہ اس بات کا تعین کرنے کے بعد کیا کہ ٹرمپ کی آن لائن سرگرمی سے عوامی تحفظ کو لاحق خطرہ کافی حد تک کم ہو گیا ہے۔

واشنگٹن: سابق امریکی صدر ڈونالڈ ٹرمپ کے انسٹاگرام اور فیس بک اکاؤنٹس کو 6 جنوری 2021 کو امریکی کیپیٹول میں ہونے والے واقعات کے سلسلے میں دو سال کی معطلی کے بعد دوبارہ بحال کر دیا گیا ہے۔

متعلقہ خبریں
پرائمری انتخابات، بائیڈن کو اسرائیل۔غزہ جنگ پر مخالفت کا سامنا
رام گوپال پولیس اسٹیشن کے سامنے سگریٹ نوشی کی ویڈیووائرل نوجوان سلاخوں کے پیچھے (ویڈیو)
دھونی سابق امریکی صدر ٹرمپ کے ساتھ گولف کھیلتے دیکھے گئے
شیواجی کے خلاف اہانت آمیز پوسٹ، کم عمرگرفتار

سی این این کی رپورٹ میں جمعرات کے روز کہا گیا کہ ٹرمپ کو اب اپنے فیس بک اور انسٹاگرام اکاؤنٹس پر پوسٹ کرنے کی اجازت ہے تاہم انہوں نے ابھی کچھ بھی پوسٹ نہیں کیاہے۔

رپورٹ میں کہا گیا ہے کہ دونوں پلیٹ فارمز کی پیرنٹ کمپنی میٹا نے کہا کہ اس نے پابندی ختم کرنے کا فیصلہ اس بات کا تعین کرنے کے بعد کیا کہ ٹرمپ کی آن لائن سرگرمی سے عوامی تحفظ کو لاحق خطرہ کافی حد تک کم ہو گیا ہے۔

تاہم، کمپنی کے ایک بیان کے مطابق، ٹرمپ کو جرائم کےاعادہ کے لیے سخت سزاؤں کا سامنا کرنا پڑے گا۔ بیان میں مزید کہا گیا ہے کہ خاص طور پر، خلاف ورزی کی شدت کے لحاظ سے ٹرمپ کو ایک ماہ سے دو سال کی مدت تک فیس بک سے دوبارہ ہٹایا جا سکتا ہے۔

فیس بک نے 6 جنوری کو امریکی کیپیٹول میں ہونے والے واقعات کے بعد ٹرمپ کا اکاؤنٹ بندکر دیا تھا، جب ان کے کچھ حامی کئی امریکی ریاستوں سے 2020 کے صدارتی انتخابات کے نتائج کی تصدیق کے خلاف احتجاج کرتے ہوئے صدارتی محل کی عمارت میں داخل ہوگئے تھے۔