ڈاکٹر نواب میر ناصر علی خان کو سی ایم اے گلوبل لیڈرشپ ایوارڈ سے نوازا گیا

حیدرآباد :   جمہوریہ قازقستان کے حیدرآباد میں اعزازی قونصل ڈاکٹر نواب میر ناصر علی خان کو لندن کے مارلبورو ہاؤس میں واقع دولت مشترکہ سیکریٹریٹ میں منعقدہ دولت مشترکہ میڈیکل ایسوسی ایشن (سی ایم اے) گلوبل سمٹ آن لونجیویٹی اینڈ ہیلتھی ایجنگ کے دوران سی ایم اے گلوبل لیڈرشپ ایوارڈ سے نوازا گیا۔

ڈاکٹر خان نے اس بین الاقوامی سربراہی اجلاس میں خصوصی مہمان اور مقرر کی حیثیت سے شرکت کی۔ اجلاس میں طبی ماہرین، صحت کے شعبے کے رہنماؤں اور ماہرین نے شرکت کی، جہاں طویل عمر، صحت مند بڑھاپے، طبی شعبے میں جدت اور انسانی بہبود سے متعلق امور پر تبادلہ خیال کیا گیا۔

دولت مشترکہ کے پلیٹ فارم پر قازقستان کی نمائندگی کرتے ہوئے ڈاکٹر خان نے عالمی صحت کے چیلنجوں سے نمٹنے اور لوگوں کو زیادہ صحت مند اور طویل زندگی فراہم کرنے کے لیے بین الاقوامی تعاون، علم کے تبادلے اور باہمی مکالمے کی اہمیت پر زور دیا۔

اس اعزاز کے ذریعے پائیدار اور صحت مند طرز زندگی کے فروغ کے لیے ان کی خدمات کا بھی اعتراف کیا گیا۔ وہ ایم اے کے پروجیکٹس کے پروموٹر اور مینیجنگ ڈائریکٹر کی حیثیت سے کام کر رہے ہیں، جس میں بی ٹی آر گرینز کے ذریعے ”کلین، گرین، ہیلتھی لیونگ” (صاف، سرسبز اور صحت مند زندگی) مہم بھی شامل ہے۔

اتوار کو یہاں جاری ایک بیان کے مطابق، ڈاکٹر خان نے ایوارڈ کو اپنے لیے ایک اہم اعزاز اور سنگ میل قرار دیا اور کہا کہ اس سے بین الاقوامی تعاون، سفارت کاری اور عوامی سطح پر باہمی تعلقات کو مضبوط بنانے کے عزم کو