گریڈیہ میں مکان میں دھماکہ سے ایک خاتون کی موت، تین زخمی

گریڈیہ: جھارکھنڈ کے ضلع گریڈیہ کے مفصل تھانہ علاقے میں ایک مکان میں اچانک دھماکے سے ایک خاتون کی موت ہو گئی اور تین دیگر زخمی ہو گئے۔

پولیس ذرائع نے پیر کو یہاں بتایا کہ اتوار کی دیر رات شیتل پور گاؤں کے رہنے والے امیش داس کے گھر میں اچانک دھماکہ ہوا۔

اس واقعے میں اومیش داس کی ساس کی موت ہو گئی، جبکہ اومیش داس، ان کی بیوی اور بیٹا شدید زخمی ہو گئے۔

ذرائع نے بتایا کہ زخمیوں کو بہتر علاج کے لیے رانچی کے راجندر انسٹی ٹیوٹ آف میڈیکل سائنسز (رمس) ریفر کیا گیا ہے۔

دھماکے کی وجوہات معلوم نہیں ہوسکی ہیں۔ لاش کو پوسٹ مارٹم کے لیے بھیج دیا گیا ہے دھماکے کی جانچ کی جا رہی ہے۔