کالیشورم پروجیکٹ، رائے عامہ کے حصول کا عمل مکمل

حیدرآباد: کالیشورم پروجیکٹ پر رائے عامہ حاصل کرنے کا عمل ختم ہوگیا، کالیشورم جوڈیشل کمیشن کے چیئرمین جسٹس چندر گھوش تحقیقات کے اگلے مرحلے کا آغاز کرنے کے لیے 6 جون کو حیدرآباد پہنچنے آئیں گے۔ کمیشن کو موصول متعدد رپورٹس اور شکایات پر جسٹس گھوش ترجیحی بنیاد پر غور کریں گے۔

 ان دستاویزات کی مکمل جانچ پڑتال کی جائے گی تاکہ پروجیکٹ سے متعلق ممکنہ مسائل کی نشاندہی کی جا سکے۔اس کے بعد کمیشن کی جانب سے جون کے دوسرے ہفتے سے افراد کو سمن جاری کیے جانے کی توقع ہے۔

 جن میں  انجینئرز، ای این سی اور سابق افسران شامل ہیں جو کالیشورم پروجیکٹ کی منصوبہ بندی میں شامل تھے۔ ان سے اپنے کردار اور پرو جیکٹ کی تکمیل کے بارے میں تفصیلی معلومات حاصل کی جا ئیں گی۔