ریسڈنشیل اسکولس میں تقررات، اگست میں تحریری امتحانات متوقع

حیدرآباد: تلنگانہ ریسیڈنشیل ایجوکیشن انسٹی ٹیوٹ ریکروٹمنٹ بورڈ کی جانب سے تلنگانہ ریسیڈنشیل اسکولس میں مخلوعہ جائیدادوں پر تقررات کے لئے یکم اگست تا23 اگست تحریری امتحانات منعقد کئے جائیں گے۔

امیدواروں کے لئے عہدوں کی مناسبت کے لحاظ سے کمپیوٹربیسڈٹسٹ (سی بی ٹی) منعقد کیا جائے گا۔ایس سی‘ایس ٹی‘ بی سی اور مائناریٹیز ریسیڈنشیل اسکولس میں مختلف زمروں کی 9210 مخلوعہ جائیدادوں پر تقررات عمل میں لانے کا فیصلہ کیاگیاہے۔

تقررات کی ذمہ داری TREIRB کو تفویض کی گئی ہے۔ 1276 پی جی ٹی‘ 4020 ٹی جی ٹی‘ 2876 جونیئرلکچررس‘ڈگری کلچرس‘فزیکل ڈائرکٹر‘ 434ٹی جی ٹی اسکول لائبررین‘275 اسکول فزیکل ڈائرکٹر226 آرٹ اینڈ کرافٹ‘124میوزک ٹیچرس کی جائیدادوں پر تقررات کئے جائیں گے۔

گزشتہ ماہ 27 مئی کودرخواست وصول کرنے کے عمل کو پورا کرلیاگیا۔تمام عہدوں کیلئے 2,63,045 درخواستیں داخل کی گئیں۔ امتحان کے شیڈول کو آئندہ دودنوں میں ویب سائٹ پر رکھ دیاجائے گا۔