امریکہ و کینیڈا

ویگنر گروپ کے سربراہ کی موت کے پیچھے پوٹن کا ہاتھ : جوبائیڈن

جوبائیڈن نے کہا کہ روس میں ایسا بہت کچھ نہیں ہوتا جس کے پیچھےپوتن نہ ہوں مگر ویگنر گروپ کے سربراہ کے حوالے سے مجھے بہت زیادہ علم نہیں اور نہ مجھے اس کا جواب معلوم ہے۔

واشنگٹن: امریکی صدر جوبائیڈن نے روسی ہم منصب پر الزام عائد کیا ہےکہ ویگنر گروپ کے سربراہ کی موت کے پیچھےپوتن کا ہاتھ ہوسکتا ہے۔

متعلقہ خبریں
پوکسو کیس کا نابالغ ملزم، ہائی کور ٹ سے بری
پرائمری انتخابات، بائیڈن کو اسرائیل۔غزہ جنگ پر مخالفت کا سامنا
مودی نے بائیڈن کے ساتھ دو طرفہ ملاقات کی
چاکلیٹ دینے کے بہانے غلط حرکت پر ملزم گرفتار
جوبائیڈن 2024 کی یوم جمہوریہ پریڈ میں مدعو

میڈیا رپورٹس کے مطابق صحافیوں سے گفتگو کے دوران جب جوبائیڈن سے روس کی نجی ملیشیا ویگنر گروپ کے سربراہ یوگینی پریگوزن کی طیارہ حادثے میں موت سے متعلق سوال کیا گیا تو امریکی صدر نے یہ خدشہ ظاہر کیا ہےکہ روسی صدر پوتن اس طیارہ حادثے کے پیچھے ہوسکتے ہیں۔

انہوں نے کہا کہ روس میں ایسا بہت کچھ نہیں ہوتا جس کے پیچھےپوتن نہ ہوں مگر ویگنر گروپ کے سربراہ کے حوالے سے مجھے بہت زیادہ علم نہیں اور نہ مجھے اس کا جواب معلوم ہے۔

میڈیا رپورٹس کے مطابق امریکی صدر کو ویگنر گروپ کے سربراہ کی موت کی خبر پر بریفنگ بھی دی گئی۔ دوسری جانب امریکی حکام کا کہنا ہےکہ اگر ویگنر گروپ کے سربراہ کی موت درست ہے تو امریکہ کو اس بات پر بالکل بھی حیرانی نہیں ہوگی۔

علاوہ ازیں ویگنر گروپ سے وابستہ ایک میڈیا گروپ نے دعویٰ کیا ہےکہ روسی وزارت دفاع کی جانب سے نجی طیارے کو نشانہ بنایا گیا۔

a3w
a3w