طالبان کو دہشت گرد تنظیموں کی فہرست سے خارج کرنے روس کا ارادہ

ماسکو: روس میں طالبان کو دہشت گرد تنظیموں کی فہرست سے خارج کرنے کی تجویز پیش کی گئی ہے۔

اطلاع کے مطابق روس کے صدر ولادی میر پوتن کے افغانستان کے لئے نمائندہ خصوصی ضمیر قبول اوف، وزارت انصاف اور وزارت خارجہ نے صدارتی پیلس کریملن کو، طالبان کو دہشت گرد تنظیموں کی فہرست سے خارج کرنے کی، تجویز پیش کی ہے۔

قبول اوف نے دارالحکومت ماسکو میں اخباری نمائندوں سے بات چیت میں افغانستان کے بارے میں اہم بیانات جاری کئے ہیں۔

انہوں نے کہا ہے کہ طالبان کو دہشت گرد تنظیموں کی فہرست سے خارج کرنے کے لئے وزارت خارجہ اور وزارت انصاف کی کاروائیاں مکمل ہو گئی ہیں اور کاروائیوں کے نتائج صدارتی پیلس کریملن کو پیش کر دیئے گئے ہیں۔

قبول اوف نے کہا ہے کہ ہم اس پہلو کو مثبت دیکھ رہے ہیں۔ یہ، طالبان انتظامیہ کو تسلیم کرنے سے پہلے کا ایک ضروری مرحلہ ہے۔ یہی وجہ ہے کہ اس پہلو کا جائزہ لیا جا رہا ہے۔

روس کی اعلیٰ سطحی انتظامیہ کو موضوع کے تمام پہلووں سے آگاہ کر دیا گیا ہے اور اب ہمیں حکام اعلیٰ کے فیصلے کا انتظار ہے”۔