تلنگانہ: گروپ 3 امتحانات، ہال ٹکٹس جاری

حیدرآباد: تلنگانہ پبلک سرویس کمیشن نے تلنگانہ میں گروپ 3 کے امتحانات کے لئے ہال ٹکٹس جاری کردیئے ہیں۔ یہ امتحان اس ماہ کی 17 اور 18 تاریخ کو منعقد کیا جائے گا۔

پیپر 1 کا امتحان اس مہینے کی 17 تاریخ کو صبح 10 بجے سے12.30 بجے تک ہوگا۔ پیپر2 کا امتحان اسی دن سہ پہر 3 بجے سے شام 5.30 بجے تک ہوگا۔

پیپر تری کا امتحان 18 تاریخ کو صبح 10 بجے سے12.30 بجے تک ہوگا۔ ان ملازمتوں کیلئے 5.36لاکھ سے زیادہ امیدواروں نے درخواستیں دی ہیں۔

حال ہی میں، کمیشن نے واضح کیا کہ انہیں صبح کے امتحانات پر 9.30بجے کے بعد اور دوپہر کے امتحان میں 2.30بجے کے بعد امتحانی مراکز میں داخل ہونے کی اجازت نہیں ہوگی۔

امیدواروں کو ویب سائٹ سے ڈاؤن لوڈ کی گئی ہال ٹکٹ کی کاپی کو محفوظ رکھنے کا مشورہ دیا گیا ہے۔