سعودی شہزادہ انتقال کرگئے

ریاض: سعودی عرب کے شہزادہ سلطان بن محمد بن عبدالعزیز آل سعود دار فانی سے کوچ کرگئے۔سعودی خبر رساں ادارے کی رپورٹ کے مطابق شاہی اعلامیہ میں بتایا گیا کہ سعودی شہزادے کی نماز جنازہ آج امام ترکی بن عبداللّٰہ مسجد میں بعد نماز ظہر ادا کی جائے گی۔

واضح رہے کہ گزشتہ ماہ سعودی عرب کے شہزادہ منصور بن بدر بن سعود بن عبدالعزیز کا بھی انتقال ہوگیا تھا۔ایوان شاہی کی جانب سے جاری بیان میں بتایا گیا تھا کہ شہزادہ منصور بن بدر کی نماز جنازہ مسجد امام ترکی بن عبداللہ میں ادا کی جائے گی۔

ایوان شاہی کی جانب سے سعودی شہزادے کی مغفرت اور بلند درجات کے لیے خصوصی دعائے مغفرت کی گئی تھی۔