رام مندر کا افتتاح، مسلمانوں نے کوئی منفی بیان نہیں دیا: شاہنواز حسین

بلیا(یوپی): بی جے پی قائد اور سابق مرکزی وزیر سید شاہنواز حسین نے کہا ہے کہ رام مندر کی افتتاحی تقریب کے  تعلق سے مسلمانوں کی طرف سے کوئی بھی منفی بیان نہیں آیا ہے۔ آر ایس ایس اور بی جے پی کے خلاف اپوزیشن بیان بازی پر طنز کرتے ہوئے اُنہوں نے کہا کہ اپوزیشن جماعتیں لگ بھگ رام جی کی مخالف ہوگئی ہیں۔

 شاہنواز حسین نے بلیا کے علاقہ سکندرپور میں ہفتہ کی رات میڈیا سے بات چیت میں کہاکہ رام مندر کی تعمیر پوروانچل کی ساری تصویر بدل دے گی۔ یہاں ہونے والی ترقی تصویر اور قسمت دونوں بدل دے گی۔

اُنہوں کہاکہ 22 جنوری کو افتتاح کے بعد اندرون وبیرون ملک سے لوگ ایودھیا آنے لگیں گے اور یہ بھیڑ کم نہیں ہوگی۔ ساری بیان بازی کانگریس، آرجے ڈی اور ا نڈیا بلاک کی طرف سے ہورہی ہے۔ اُنہوں نے کہاکہ انڈیا بلاک پوری طرح بکھرنے والا ہے۔