کرناٹک

انڈیگو فلائٹ میں سگریٹ نوشی، مسافرگرفتار

بنگلورو میں کیمپے گوڑا انٹرنیشنل ایرپورٹ کے حکام نے انڈیگو فلائٹ کے بیت الخلاء میں سگریٹ نوشی کرنے کے الزام میں ایک مسافر کو گرفتار کرلیا۔

بنگلورو: بنگلورو میں کیمپے گوڑا انٹرنیشنل ایرپورٹ کے حکام نے انڈیگو فلائٹ کے بیت الخلاء میں سگریٹ نوشی کرنے کے الزام میں ایک مسافر کو گرفتار کرلیا۔

متعلقہ خبریں
میاچ کے دوران سگریٹ پینے پر خالد محمود پر تنقید

ایرپورٹ پولیس کے مطابق گرفتار شخص کی شناخت شیہری چودھری کی حیثیت سے کی گئی اور اس نے یہ حرکت آسام سے بنگلورو جانے والی انڈیگوفلائٹ 6E716میں کی۔

ملزم مسافر نے دیگر مسافرین کو خطرے میں ڈالتے ہوئے بیت الخلاء میں اس وقت سگریٹ نوشی کی جب طیارہ فضاء میں تھا۔ بنگلورو ایرپورٹ پر وہ جیسے ہی نیچے اترا اسے تحویل میں لے لیا گیا۔

یہ واقعہ جمعہ کو رات 1:30بجے پیش آیا۔ ایرپورٹ پولیس نے اس ضمن میں تحقیقات شرو ع کردی۔

مارچ کے پہلے ہفتے میں 24سالہ خاتون بھی کلکتہ سے آنے والی انڈیگو فلائٹ کے بیت الخلاء میں سگریٹ نوشی کرتی پکڑی گئی تھی۔بنگلورو میں آمد کے بعد اسے گرفتار کرکے بعد ازاں ضمانت پر رہا کردیا گیا۔

a3w
a3w