منیش سسوڈیا سے سی بی آئی پوچھ تاچھ ملتوی

نئی دہلی: سی بی آئی نے اتوار کے دن دہلی آبکاری پالیسی اسکام کے سلسلہ میں ڈپٹی چیف منسٹرمنیش سسوڈیا سے پوچھ تاچھ ملتوی کردی کیونکہ انہوں نے حکومت دہلی کی جاریہ بجٹ مشق کے حوالہ سے مہلت مانگی ہے۔

ایجنسی نے انہیں آج بلایاتھا۔ پوچھ تاچھ ملتوی کردی گئی۔ سی بی آئی عنقریب نئی تاریخ دے گی۔ عہدیداروں نے یہ بات بتائی۔

عام آدمی پارٹی قائد نے جو حکومت دہلی کے وزیرفینانس بھی ہیں کہا کہ وہ پوچھ تاچھ کیلئے ایک ہفتہ بعد دستیاب ہوں گے۔

انہوں نے کہا کہ بی جے پی‘ ان سے انتقام لینے تحقیقاتی ایجنسی کا استعمال کررہی ہے۔ انہوں نے اندیشہ ظاہرکیاکہ انہیں گرفتارکرلیاجائے گا۔