کرناٹک سے داعش کے 2 کارندے گرفتار

نئی دہلی: نیشنل انوسٹیگیشن ایجنسی(این آئی اے) نے چہارشنبہ کے دن اسلامک اسٹیٹ / داعش کے 2 کارندوں کو گرفتار کرلیا۔

دونوں ملزمین ایم عبدالرحمن اور کے اے ندیم احمد‘ کرناٹک کے رہنے والے ہیں۔ کیس ابتدا میں کرناٹک کے ضلع شیواموگہ کے رورل پولیس اسٹیشن میں درج ہوا تھا اور بعدازاں تحقیقات 4 نومبر کو این آئی اے کو سونپی گئی تھیں۔

تحقیقات میں پتہ چلا کہ ملزم معاذ منیر نے ایم عبدالرحمن کو اور ملزم سید یٰسین نے کے اے ندیم احمد کو بھرتی کیا تھا تاکہ ہندوستان میں داعش کی سرگرمیوں کو بڑھاوا دیا جائے۔