دیگر ممالک

عمان میں 4 منزلہ عمارت منہدم، 5 افراد ہلاک

عمارت گرنے سے سات افراد زخمی ہوئے جن میں سے کم از کم ایک کی حالت تشویشناک ہے۔ ذرائع نے نام ظاہر نہ کرنے کی شرط پر بتایا کہ پرانی چار منزلہ عمارت، جس میں تقریباً 25 افراد رہائش پذیر ہیں، کی بجلی پہلے ہی کاٹ دی گئی تھی۔

عمان: اردن کے دارالحکومت عمان میں منگل کو ایک چار منزلہ رہائشی عمارت گرنے سے پانچ افراد ہلاک ہو گئے۔ پبلک سیفٹی ڈیپارٹمنٹ (پی ایس ڈی) نے ایک بیان میں یہ اطلاع دی۔ پی ایس ڈی نے کہا کہ زندہ بچ جانے والوں کی تلاش ابھی جاری ہے۔ جیسا کہ اس سے پہلے بیان میں کہا گیا تھا کہ اس واقعے میں دو افراد ہلاک ہوئے تھے۔

ایک سیکورٹی ذرائع نے بتایا کہ عمارت گرنے سے سات افراد زخمی ہوئے جن میں سے کم از کم ایک کی حالت تشویشناک ہے۔ ذرائع نے نام ظاہر نہ کرنے کی شرط پر بتایا کہ پرانی چار منزلہ عمارت، جس میں تقریباً 25 افراد رہائش پذیر ہیں، کی بجلی پہلے ہی کاٹ دی گئی تھی۔

سرکاری پیٹرا خبر رساں ایجنسی نے اطلاع دی ہے کہ وزیر اعظم بشر الخصاونة جبل الویبدیہ علاقے میں جائے وقوعہ پر پہنچے اور واقعے کی تحقیقات کا حکم دیا۔ اسپتال کے ڈائریکٹر حازم باکین نے کہا کہ لوزمیلا اسپتال وزارت صحت اور مرکز برائے قومی سلامتی و کرائسز مینجمنٹ کے ساتھ مل کر زخمیوں کا علاج کر رہا ہے۔