جیل کے اندر سالگرہ منانے پر 5 قیدیوں کیخلاف کیس درج

رام نگر: جیل کے اندر موبائیل فونس کے غیرقانونی استعمال اور سالگرہ منانے پر پانچ قیدیوں کے خلاف کیس درج کرلیا گیا۔ پولیس کے مطاق روڈی شیٹر کرن عرف ٹماٹے نے  14/ جنوری کو رام نگر ضلع جیل کے اندر سالگرہ منائی۔

 ملزمین نے اس کی تصاویر سوشل میڈیا پر ڈالیں جس کے بعد پولیس محکمہ نے اس کا سنجیدہ نوٹ لیا۔ سپرنٹنڈنٹ پولیس رام نگر ضلع سنتوش بابو نے جیل کا دورہ کیا۔ معائنہ کے دوران جیل سے دو موبائیل برآمد ہوئے۔

 ایس پی نے اس ضمن میں جیل حکام کی لاپرواہی پر اے ڈی جی پی (محابس) کو رپورٹ بھی پیش کی۔ اس واقعہ سے عوام میں برہمی کی لہر دوڑگئی۔