تلنگانہ کے ضلع نظام آباد میں چلتی کار میں آگ لگ گئی

حیدرآباد: تلنگانہ کے ضلع نظام آباد میں چلتی کار میں آگ لگ گئی۔یہ واقعہ کل شب ضلع کے اِندول وائی ٹول گیٹ کے حدود میں شاہراہ پر پیش آیا۔

اس کار میں سوار افراد آرمورسے کاماریڈی کی سمت جارہے تھے تاہم اچانک کار میں دھواں نکلنے لگا اور دیکھتے ہی دیکھتے آگ نے مکمل کار کو اپنی لپیٹ میں لے لیا۔

اس واقعہ کے ساتھ ہی کار میں سوار افراد نے فوری چوکسی اختیار کی اورکار سے اترگئے جس کے نتیجہ میں ان کی جان بچ گئی۔

اس واقعہ کی اطلاع پر فائربریگیڈ کے عہدیداروں نے وہاں پہنچ کر آگ پر قابو پایا۔