حیدرآباد

چیف منسٹر کے سی آر سدی پیٹ سے انتخابی مہم کا آغاز کریں گے

چندر شیکھر راؤ 15 / اکتوبر کو پارٹی ہیڈکوارٹرس تلنگانہ بھون میں پارٹی اُمیدواروں کے ساتھ مشاورتی اجلاس منعقد کریں گے۔ انہیں بی فارمس (پارٹی کے مسلمہ اُمیدوار) حوالہ کریں گے۔ نیز اشتہاری مواد بھی سونپا جائے گا۔

حیدر آباد: بی آر ایس سربراہ کے چندر شیکھر راؤ 15 / اکتوبر کو ضلع سدی پیٹ حسن آباد اسمبلی حلقہ سے انتخابی مہم کا آغاز کریں گے۔ اِس روز کے سی آر جلسہ عام سے خطاب کریں گے اور پارٹی کے انتخابی منشور کو جاری کریں گے۔

متعلقہ خبریں
وزیراعظم ورنگل میں انتخابی مہم چلائیں گے
راہول کی ریالی، بائک چلاتے ہوئے کونڈا سریکھا گرپڑیں
امیت شاہ کی عادل آباد میں ریالی اور حیدرآباد میں دانشوروں کے اجلاس سے خطاب کریں گے
سدی پیٹ میں 100 بندر مردہ پائے گئے
نواز شریف کے آتے ہی سیاسی نقشہ بدل جائے گا: شہباز شریف

پارٹی ذرائع کے مطابق چندر شیکھر راؤ 15 / اکتوبر کو پارٹی ہیڈکوارٹرس تلنگانہ بھون میں پارٹی اُمیدواروں کے ساتھ مشاورتی اجلاس منعقد کریں گے۔ انہیں بی فارمس (پارٹی کے مسلمہ اُمیدوار) حوالہ کریں گے۔ نیز اشتہاری مواد بھی سونپا جائے گا۔

پارٹی اُمیدواروں کے ساتھ اجلاس میں کے سی آر انتخابات کے دوران اختیار کئے جانے والی حکمت عملی سے واقف کراتے ہوئے بہت سارے دیگر اُمور پر رہنمائی کریں گے جس کے بعد حسن آباد میں جلسہ عام کے دوران پارٹی کا انتخابی منشور جاری کیا جائے گا۔

 کے سی آر 16 / اکتوبر کو جنگاؤں اور بھونگیر میں انتخابی جلسوں سے خطاب کریں گے۔ 17 / اکتوبر کو سرسلہ اور سدی پیٹ میں جلسہ عام سے مخاطبت کریں گے۔ 18 / اکتوبر کو کے سی آر جڑچرلہ اور میڈچل میں انتخابی مہم میں حصہ لیں گے۔

 واضح رہے کہ گزشتہ روز سی ای سی کی جانب سے تلنگانہ میں اسمبلی انتخابات کے انعقاد کے لئے شیڈول جاری کیا گیا تھا جس کی رو سے 30 / نومبر کو انتخابات منعقد ہوں گے۔

a3w
a3w