ایودھیا میں دھنی پور مسجد کی تعمیر کا رمضان کے بعد آغاز

ایودھیا (یوپی): ایودھیا میں (بابری مسجد کے عوض بننے والی) دھنی پور مسجد کی تعمیر مقدس ماہ ِ رمضان کے بعد شروع ہونے کا امکان ہے۔ ایودھیا ڈیولپمنٹ اتھاریٹی اپنی حالیہ بورڈ میٹنگ میں مسجد کامپلکس لے آؤٹ کو کلیرنس دے چکی ہے۔

 ضلع مجسٹریٹ و صدرنشین ایودھیا ڈیولپمنٹ اتھاریٹی نتیش کمار نے کہا کہ سارا کلیرنس دیا جاچکا ہے۔ مسجد کا منظورہ لے آؤٹ 2 دن میں سنی سنٹرل وقف بورڈ کے حوالہ کردیا جائے گا۔

 سنی سنٹرل وقف بورڈ نے اس پیشرفت کو بڑی پہل قراردیا ہے۔ اس نے کہا کہ وہ رمضان کے بعد اپنی میٹنگ طلب کرے گا۔ سکریٹری انڈو اسلامک کلچرل فاؤنڈیشن (آئی آئی سی ایف) اطہر حسین نے کہا کہ ہم رمضان کے بعد میٹنگ طلب کریں گے جس میں تعمیر شروع کرنے کے منصوبہ کو قطعیت دی جائے گی۔