ای ڈی کے مبینہ ریئل اسٹیٹ دھوکہ دہی کےمعاملےمیں موہالی اور چندی گڑھ میں چھاپے

نئی دہلی: انفورسمنٹ ڈائریکٹوریٹ (ای ڈی) ’سن ٹیک سٹی‘ پروجیکٹ اور متعدد ریئل اسٹیٹ کمپنیوں سے وابستہ مبینہ بڑے پیمانے کی بے ضابطگیوں کے سلسلے میں موہالی اور چندی گڑھ میں 12 مقامات پر تلاشی لے رہا ہے۔

ای ڈی کے ایک سینئر اہلکار نے بتایا کہ یہ تلاشی مہم ’گریٹر موہالی ایریا ڈویلپمنٹ اتھارٹی‘ (جی ایم اے ڈی اے ) سے سی ایل یولائسنسوں کے فراڈ پر مبنی حصول اور سرمایہ کاروں کے ساتھ سینکڑوں کروڑ روپے کی مبینہ دھوکہ دہی کے الزامات سے منسلک ہے۔

بتایا جا رہا ہے کہ اس تحقیقات میں اجے سہگل، اے بی ایس ٹاؤن شپ پرائیویٹ لمیٹڈ، آلٹس بلڈرز، دھیر کنسٹرکشنز اور ان کے ساتھی شامل ہیں۔

ذرائع نے مزید دعویٰ کیا ہے کہ نتن گوہل بھی ای ڈی کی جانچ کے دائرے میں ہیں، ان پر الزام ہے کہ انہوں نے ان بلڈرز کی مدد کی جنہوں نے جی ایم اے ڈی اے کی ادائیگیاں نہیں کی تھیں اور مبینہ طور پر ان کے لیے سیاسی تحفظ کا انتظام کیا تھا۔

حکام ان الزامات کا بھی جائزہ لے رہے ہیں کہ انہوں نے پنجاب کے سی ایم او کی جانب سے ایک رابطہ کار کے طور پر کام کیا۔ ملزمان کی جانب سے اب تک کوئی باضابطہ ردعمل سامنے نہیں آیا ہے۔